ABŞ-ın rəhbərlik etdiyi koalisiya qüvvələri Əsəd tərəfdarlarına zərbə vurdu

ABŞ-ın rəhbərlik etdiyi koalisiya Suriyada hökümətyönümlü qüvvələrin mövqelərinə zərbə endirib.

“Ölkə.Az” xəbər verir ki, bu barədə Amerika hərbi mənbələrindən məlumat verilib. Verilən məlumata görə, hökümətyönümlü silahlı dəstələr ABŞ-ın dəstəklədiyi müxalifət qüvvələrinə hücum ediblər.

“Amerikalı hərbçilər bu hücümü dayandırmaq barədə xəbərdarlıq ediblər. Lakin xəbərdarlıqlar nəticəsiz qalıb. Yol ilə hərəkət edən konvoy xəbərdarlıq cəhdlərinə məhəl qoymayaraq, koalisiya qüvvələrinin At Tanfadakı mövqelərinə doğru irəliləyib. Nəticədə onları dayandırmaq üçün atəş açılıb”, - deyə məlumatda bildirilib.

Hadisənin Suriya-İordaniya sərhədi yaxınlığında baş verdiyi bildirilib. Qeyd edilib ki, zərbələr prezident Bəşər Əsədi dəstəkləyən qüvvələrə endirilib. Lakin ABŞ hökuməti tərəfindən vurulan zərbələrin hədəfə dəydiyinə əmin olmadıqlarını bildirilib. Hadisə nəticəsində ölən olub olmadığı da qeyd edilməyib.

Ziya Səccad
Ölkə.Az