İŞİD-in 3 günlük itkiləri

Son 3 gündə İŞİD-ə qarşı 30 hava hücumu təşkil olunub.

Ölkə.Az Anadolu agentliyinə istinad edərək xəbər verir ki, ABŞ-ın rəhbərlik etdiyi koalisiya qüvvələrinin son 3 gündə Suriya və İraqda İŞİD-ə qarşı 30 hava hücumunu təşkil etdiyi bildirilib.

ABŞ Mərkəz Qüvvələr Komandanlığından verilən məlumata görə, ABŞ və müttəfiq ölkələrə aid qüvvələr Suriyada 7, İraqda da 23 olmaqla, İŞİD hədəflərinə noyabrın 19-21-i tarixlərində hava hücumları təşkil ediblər.

Hücumlardan sonra İŞİD-ə məxsus strateji obyektlərin məhv edildiyi qeyd olunur. İraqda Beycə yaxınlığında təşkil edilən 6 hava hücumunda İŞİD-in 3 binası, 2 nəqliyyat vasitəsi, bir sığınacağı və nəzarət nöqtəsi məhv edilib. Raqqadakı hücumda isə təşkilatın barrikadasısı vurulub. Sincar yaxınlığında təşkil edilən 4 hava hücumunda təşkilatın 2 barrikadası, bir sığınacağı, saxlama yeri, polis bölməsi vurulub və 8 silahlı vasitə istifadəyə yararsız hala gətirilib.

Kərkükün qərbindəki 3 hücumda İŞİD-in 5 sığınacağı və nəqliyyat vasitələri məhv edilib. Yayılan məlumatlara görə, bu, İŞİD terror qruplaşmasının yeganə itkiləri deyil.

Xatırladaq ki, 15 noyabrda ABŞ rəhbərliyi altında olan beynəlxalq koalisiya qüvvələri İŞİD terror təşkilatının Suriyanın Kobani şəhərindəki mövqelərini aviasiya zərbələrinə məruz qoymuşdu.

Rəşid Mustafazadə

Ölkə.Az