Mexikoda etiraz aksiyası davam edir

Mexikoda etiraz aksiyası davam edir.

Ölkə.Az France-Presse agentliyinə istinadən xəbər verir ki, Meksikanın paytaxtı Mexikoda on minlərlə insan itkin düşmüş 43 tələbənin tapılması tələbi ilə aksiya təşkil olunub. Nümayişçilər eyni zamanda ölkə prezidenti Enrike Penya Nyetonun istefasını tələb edirlər.

Agentliyin yaydığı məlumatda qeyd olunur ki, polis nümayişçilərə qarşı gözyaşardıcı qaz və su şırnağından istifadə edib. Hökumət nümayəndələri bildirir ki, 31 nəfər saxlanılıb, 5 nəfər isə yaralanıb.

Xatırladaq ki, avqustun 26-da müəllimlərin işə götürülməsi prosesi sistemindəki ədalətsizliyə qarşı olaraq aksiyaya gedən tələbələrdən 43-ü itkin düşmüşdü və həmin tarixdən etibarən onların axtarışına başlanılmışdı. Hadisə şahidləri itkin düşən tələbələri sonuncu dəfə onların güc tətbiq edilərək polis avtobuslarına salınarkən gördüklərini bildirmişdilər. Aksiya zamanı polisin açdığı atəş nəticəsində 6 tələbə ölmüş, 17-si isə yaralanmışdı.

Rəşid Mustafazadə

Ölkə.Az