Səudiyyə Ərəbistanında Trampa kral “Əbdüləziz” ordeni verildi
Səudiyyə Ərəbistanının kralı Salman bin Əbdüləziz əs-Səud ölkəsinə səfər edən ABŞ-ın 45-ci prezidenti Donald Trampı krallığın ən yüksək mülki mükafatı - kral “Əbdüləziz” ordeni ilə təltif edib.
“Ölkə.Az” xəbər verir ki, bu barədə Ərəb mətbuatı məlumat yayıb. Verilən məlumata görə, Tramp kral sarayında qəbul zamanı ordenlə təltif olunub.
Qeyd edək ki, Tramp bu gün ilk dəfə Səudiyyə Ərəbistanına rəsmi səfər edib. Mayın 21-də isə 50 müsəlman ölkəsinin də qatılacağı konfransda iştirak edəcək. Həmin konfransa Nigeriya, Türkiyə və Misir nümayəndələri də qatılacaq. Ər-Riyad səfərindən sonra ABŞ prezidenti İsrail və Vatikana səfər edəcək, daha sonra isə Brüsseldə NATO sammitində və Siciliyada G-7 liderlərinin görüşündə iştirak edəcək.
Ziya Səccad
Ölkə.Az
