ABŞ Suriyada “YPG” və “PYD” silahlılarını döyüşə hazırlayır
“Ölkə.Az” xəbər verir ki, Amerika ordusu tərəfindən həmin silahlı dəstələrə təlimlər keçirilir. Bununla yanaşı, terror qruplaşmalara silah və sursat da veriləcəyi bildirilib.
“Bu ilin iyununda ABŞ Suriyadakı “YPG” və “PYD” silahlılarına çoxlu sayda tank, zirehli texnika və başqa ağır silahlar, habelə hərbi avadanlıq verəcək. Həmçinin Amerika tərəfindən terrorçulara gecəgörmə cihazları, iri çaplı silahlar və müxtəlif sursatlar ötürür”, - deyə məlumatda bildirilib.
Qeyd edək ki, uzun müddətdir ABŞ hökuməti Suriyada, əsasən də Rakka şəhərində terrorçularla mübarizədə PKK-nın “YPG” və “PYD” silahlı dəstələrindən istifadə edəcəklərini bildirir. Türkiyə hökuməti isə dəfələrlə buna etirazlarını bildiriblər. Lakin Amerika Türkiyənin etirazlarına müsbət cavab verməyib.
Hətta Ərdoğan ötən həftə Vaşinqtonda səfərdə Donald Trampla görüşərkən Suriyada, əsasən də, Rakka əməliyyatlarında YPG kürd qruplaşmasının iştirak məsələsinə etiraz edib. Türkiyənin bu istəyi nəzərə alınmadığı üçün Türkiyə prezidenti Rəcəb Tayyip Ərdoğan Suriyanın Rakka şəhərində keçirilən əməliyyatlarda iştirak etməyəcəkləri barədə qərar verib.
“Biz Vaşinqton səfəri zamanı Rakka əməliyyatları barədə müzakirələr apardıq. Müzakirələr zamanı aydın oldu ki, ABŞ Rakka əməliyyatlarına çox həssaslıqla yanaşır. Görüş zamanı da aydın şəkildə bildirdik ki, əgər Rakka əməliyyatlarında kürd silahlıları da iştirak edəcəksə, o zaman biz həmin əməliyyatlara qatılmayacağıq. Əgər ABŞ Rakka əməliyyatlarında YPG təşkilatının iştirakını daha vacib bildisə, onlara uğurlar arzulayıram”, - deyə Ərdoğan bildirib.
Ziya Səccad
Ölkə.Az
