Tramp: “ABŞ həmişə İsrailin tərəfində olacaq”

“Ölkə.Az” xəbər verir ki, Tramp İsrailə səfərinin yekunu ilə bağlı Qüdsdə çıxışında ABŞ-ın İsraili dəstəkləməsini gizlətməyib.

“Mənim administrasiyam həmişə İsrailin tərəfində olacaq”, - deyə Tramp bildirib.

Daha sonra Amerika rəhbəri İsrailin baş naziri Benyamin Netanyahunun əlini sıxıb.

Daha sonra Tramp İsrail üçün böyük təhlükə olan İrana qarşı birgə mübarizə aparmağın zəruriliyini vurğulayıb. O, bu barədə Səudiyyə Ərəbistanı kralı ilə də razılığa gəldiyini deyib.

Qeyd edək ki, mayın 22-də ABŞ prezidenti Donald Tramp rəhbər kimi ilk dəfə olaraq İsrailə səfər edib. D.Tramp və həyat yoldaşı Melanya Tramp İsrailin baş naziri Benyamin Netanyahunun təşkil etdiyi təntənəli mərasimlə qarşılanıb.

Benyamin Netanyahu Trampı sülhün carçisi adlandırıb. O, Trampın bazar günü Səudiyyə Ərəbistanındakı çıxışından sitat gətirərək bildirib ki, İsrail sülhə nail olunmasında eyni səyləri bölüşür.

D.Tramp də İsrail liderinə cavab olaraq bildirib ki, dünyada sülhün bərqərar olması üçün əlindən gələni əsirgəməyəcək.

“Mən Səudiyyə Ərəbistanına səfərimdə Kral Salman və müsəlman və Ərəb dünyasının digər liderləri ilə görüşdüm. Bu görüşdə biz terrorizm və onun idealogiyasına qarşı mübarizədə geniş əməkdaşlığa dair tarixi razılıq əldə etdik. Dünyada sülhün bərqərar olması üçün hər yoldan istifadə edəcəyik”, - deyə Donald Tramp bildirib.

Ziya Səccad
Ölkə.Az