ABŞ xarici siyasətinin ideoloqu dünyasını dəyişdi
"Ölkə.Az" xəbər verir ki, Zbiqnev eks-prezident Cimmi Karterin milli təhlükəsizlik məsələləri üzrə köməkçisi və ABŞ xarici siyasətinin ideoloqlarından biri olub. Siyasətçi Virciniya ştatında, 90 yaşında dünyasını dəyişib.
Polyak əsilli sosioloq və politoloq son günlərini Folls-Çerç şəhərindəki xəstəxanada keçirib. Bjezinski 26 may tarixində vəfat etsə də, qızı Mika məlumatı bu gün paylaşıb.
Zbiqnev 1928-ci ildə polyak diplomatların ailəsində doğulub. 1950-ci illərdə ABŞ vətəndaşlığı alıb və Amerikada akademik və siyasi karyera qurub. 1977-1981-ci illərdə prezident Cimmi Karterin milli təhlükəsizlik məsələləri üzrə müşaviri işləyib. Qlobal Antikommunizm strategiyası üzərində işi ilə məşhurdur. Son illər müəllim kimi fəaliyyət göstərib və bir sıra ictimai təşkilatlara rəhbərlik edib.
Hikmət
Ölkə.Az
