Kanadanın baş naziri Roma Papasından rəsmi üzrxahlıq tələb etdi
Kanadanın baş naziri Castin Trüdo Roma Papasından rəsmi üzr tələb edib.
"Ölkə.Az" xəbər verir ki, buna səbəb Katolik Kilsəsinin himayəsi altında olan bəzi məktəblərdə minlərlə uşağın istismar edilməsidir.
"G7" zirvəsində iştirak edən Castin Romaya səfər edib. Kanadanın baş naziri Vatikanda katoliklərin ruhani liderini ziyarət edib.
Vatikandan bildiriblər ki, 40 dəqiqəlik görüşdə ikitərəfli münasibətlərlə yanaşı inteqrasiya, din azadlığı kimi məsələlər müzakirə edilib.
Castin Trüdo isə bildirib ki, Papa ilə 150 minə yaxın uşağın təhsil aldığı məktəblərdə cinsi, fiziki və psixoloji istismara məruz qalmasında Katolik Kilsəsinin rolunu müzakirə edib. Trüdo Kilsədən rəsmi üzrxahlıq tələb edib. Amma rəsmi Vatikan açıqlamasında bu məsələyə toxunmayıb.
Hikmət
Ölkə.Az
