Filippin ordusunun səhv zərbəsi 10 nəfərin ölümünə səbəb oldu
Filippin hərbi hava qüvvələrinin hücumu nəticəsində 10 nəfər həlak olub.
"Ölkə.Az" xəbər verir ki, qırıcılar səhvən öz mövqelərini bombalayıblar. İnsident nəticəsində 10 nəfər həlak olub, 8 nəfər isə yaralanıb.
Filippin ordusu səhvən Maravi şəhəri civarındakı öz mövqelərinə avia zərbələr endirib. Bu barədə ölkənin müdafiə naziri Delfin Lorenzana məlumat verib.
Məlumatda deyilir: "Bir qrup hərbçimiz hava zərbələrimizin qurbanı olub. Koordinasiya pis olduğu üçün öz hərbçilərimizi bombalamışıq".
Nazir həm də bildirib ki, Maravi şəhərinə nəzarəti ələ keçirmək istəyən Filippin ordusu 8 xarici muzdlunu qətlə yetirib. İnsident ötən həftə baş verib. Məhv edilən terrorçular arasında İndoneziya, Malayziya, Səudiyyə Ərəbistanı, Yəmən və Çeçenistan vətəndaşları var.
Hikmət
Ölkə.Az
