Meksikada həbsxananın rəisi öldürüldü

“Ölkə.Az” xəbər verir ki, bu barədə Meksikanın təhlükəsizlik xidmətinin rəisi Roberto Albares məlumat verib. Onun sözlərinə görə, Meksikanın Qerrero ştatında naməlum cinayətkar qrup həbsxana direktorunu oğurlayıblar. Daha sonra onu qətlə yetiriblər.

Öldürülən şəxsin yaxınları hadisə barədə məlumatlandırılıb. Yaxınları bildiriblər ki, ötən gecə naməlum şəxlsər həbsxana rəhəbrinin evinə basqın ediblər. Cinayətkarlar onu döyərək evdən çıxarıb, minik maşınına mindirərək naməlum istiqamətə aparıblar.

Hadisə barədə polisə məlumat verilib. Məlumat daxil olan kimi ölkənin bütün hüquq-mühafizə orqanlarının əməkdaşları həbsxana direktoru Moysesa Çopinin axtarışlarına başlayıblar. Lakin axtarışlar heç bir nəticə verməyib.

Daha sonra onun evinin yaxınlığından kişi meyiti tapılıb. Meyitə baxış zamanı onun Moysesa Çopin olduğu məlum olub.

Faktla bağlı araşdırmalar aparılır. 

Ziya Səccad
Ölkə.Az