Kanada sakini lotoreyada 41 milyon dollar udub
Kanadada "Lotto Max" lotereyasında böyük məbləğdə cekpot udulub.
"Ölkə.Az" xəbər verir ki, Kvebek vilayətinin sakini 55 milyon kanada dolları, təxminən 40,7 milyon ABŞ dolları qazanıb. Bu barədə lotereyanı təşkil edən “Atlantic Lottery” Assosiasiyası məlumat yayıb. Qurum hələlik cekpotu udan şəxsin kimliyini açıqlamayıb.
Oyun zamanı daha 8 nəfər isə ənənəvi həvəsləndirici uduşlar qazanıblar. Uduşların hər biri 1 milyon Kanada dolları, yəni 740 min ABŞ dollarıdır.
Qeyd edək ki, Kanadada əhali arasında populyar olan “Lotto Max” lotereyası 2009-cu ildən oynanılır. Uduşu əldə etmək üçün 1-dən 49-dək yeddi əsas rəqəmi doğru qeyd etmək gərəkdir. Bundan başqa, 6-7 ikincidərəcəli mükafatlar da oynanılır.
Ziya Səccad
Ölkə.Az
