Putindən Klintona maraqlı təklif

"Ölkə.Az" xəbər verir ki, Putin bu barədə Oskar mükafatına layiq olan məşhur amerikalı kinorejissor Oliver Stouna verdiyi müsahibədə deyib. Putin tanınmış kinorejossora böyük müsahibə verib. Müsahibə iyunun 12-15-də Amerikanın “Showtime” kanalında yayımlanacaq filmdə yer alacaq.

Putin müsahibəsində bildirib ki, Bill Klinton Amerikanın rəhbəri olarkən Moskvada rəsmi səfərdə olub. Səfər çərçivəsində Putin Bill Klintona Rusiyanın NATO-ya daxil edilməsi barədə təklif verib.

“Yadıma gəlir ki, Bill Klinton ABŞ-ın prezidenti olan zamanı biz Moskvada görüşmüşdük. Mən onunla görüşən zaman biz söhbət etməyə başladıq. Söhbət əsnasında mən Klintona təklif etdim ki, Rusiyanın NATO-ya üzv olması məsələsini diqqətdə saxlasın. Bill Klinton da mənə bu cavabı verdi: “Əlbəttə, mən bunun əleyhinə deyilə”. Həmin vaxt bütün amerikalı nümayəndələr bu təklifdən əsəbləşmişdilər”, - deyə Putin bildirib.

Qeyd edək ki, kinorejissor Oliver Stoun Rusiya prezidenti Vladimir Putin haqqında film üzərində işləyir. Filmdə Putinin 2000-ci ildə ilk dəfə Rusiya prezidenti seçildikdən sonra dünyada baş verən hadisələrə münasibəti göstəriləcəkdir.

O.Stoun kəskin siyasi mövzularda filmlər çəkən rejissor kimi məşhurdur. Onun qəhrəmanları arasında ABŞ prezidentləri Riçard Nikson, Con Kennedi, Corc Buş var.

Ziya Səccad
Ölkə.Az