Uşaq bağçalarında İŞİD-ə meyllilik yoxlanılacaq
Avstriyanın 100-dən çox vətəndaşı Suriyada döyüşmək üçün İŞİD-ə qoşulub.
Ölkə.Az "The Local"-a istinadən xəbər verir ki, Avstriyanın "Azadlıq" partiyasının lideri Xaynts Kristian Ştrax bəyan edib ki, məktəb və uşaq bağçalarında İŞİD terror təşkilatına meylliliyin olub-olmadığını nəzarətdə saxlamaq lazımdır.
Partiya lideri öz nitqində təhlükəli tendensiyaların qarşısını almaq məqsədilə məktəb və uşaq bağçası səviyyəsində dini təhsilə nəzarət etməyin vacib olduğunu vurğulayıb.
"Biz ölkəmizdə hansı uşaq bağçaları və məktəblərin bu ideya ilə əlaqədə olub-olmadığını və gəncləri İŞİD-lə birlikdə döyüşməyə göndərdiyini aşkar etməliyik", deyə, Ştraxe qeyd edib.
Xatırladaq ki, Avstriyanın 100-dən çox vətəndaşı Suriyada döyüşmək üçün İŞİD-ə qoşulub.
Rəşid Mustafazadə
Ölkə.Az
