Hindistanda dəhşətli faciə
Hindistanda dəhşətli yol qəzası baş verib.
"Ölkə.Az" xəbər verir ki, yük maşını ilə avtobusun toqquşması nəticəsində 22 nəfər diri-diri yanıb. İnsident Hindistanın şimalındakı Uttar-Pradeş ştatında qeydə alınıb. Sərnişin avtobusu ilə yük maşınının toqquşması nəticəsində yanğın baş verib. 22 nəfər yanıb, 19 nəfər xəsarət alıb.
Hindistan mətbuatının xəbərinə əsasən, avtobusda 38 sərnişin, 2 sürücü və bir bələdçi olub. Sərnişinlərin böyük əksəriyyəti toqquşma anında yuxuda olub. Yanğınsöndürənlər alovu 1 neçə saata söndürə biliblər.
Xəsarət alanlar xəstəxanalara yerləşdirilib. Onlardan 6-sının vəziyyəti ağırdır. Xəstəxanadan verilən məlumata görə, həlak olanların meyiti elə yanıb ki, şəxsiyyətlərini müəyyənləşdirmək mümkün deyil.
Hikmət
Ölkə.Az