\"Milan\"ın keçmiş müdafiəçisi Tiflis meri ola bilər

"Ölkə.Az" xəbər verir ki,  hakim "Gürcü arzusu" partiyası "Milan" futbol klubunun sabiq hücumçusunun namizədliyini irəli sürəcək. Kaxa Kaladze hazırda ölkənin energetika naziri postunu tutur. Bu barədə jurnalistlərə parlamentin vitse-spikeri Georgiy Volski məlumat verib.

 

Vitse-spiker deyib: "Tiflis merliyinə digər namizədləri nəzərdən keçirməmişik. Amma partiyanın siyasi şurasında bu məsələ ilə bağlı qərar veriləcək. Düşünürəm ki, Kaxa bizim layiqli namizədimiz olacaq".

 

Ötən həftə müxalifət partiyaları da öz namizədlərinin adını açıqlayıblar. Mixail Saakaşvili tərəfindən qurulan "Vahid milli hərəkat" partiyası Nikanor Meliyanın namizədliyini irəli sürüb.

 

Ekspertlərin fikrinə görə isə, müstəqil deputat Aleko Elisaşvilinin Tiflis meri olmağa şansı daha çoxdur.