ABŞ-da 5 nəfərin ölümü ilə nəticələnən hadisə barədə yeni xəbər

"Ölkə.Az" xəbər verir ki, hadisəni törədən keçmiş hərbçi olub. Bu barədə Oranc dairəsinin şerifi Cerri Deminqs bildirib. O, həmçinin ölən şəxslərdən 3 nəfərin adını açıqlayıb.

“Hadisəni törətməkdə şübhəli bilinən şəxsin adı Con Robert Nyumandır. 1972-ci il təvəllüdlü Nyuman ABŞ Silahlı Qüvəlləri Quru Qoşunlarının veteranı olub. O, 1999-cu ildə pensiyaya çıxıb. Onun qurbanlarının hamısı ağ dərili amerikalılardır”, - deyə C.Deminqs bildirib.
 
Nun sözlərinə görə, ölənlərdən iki nəfərin kimliyi isə hələlik məlum deyil.Hazırda həmin insanların şəxsiyyəti müəyyənləşdirilir.
“Hadisə şahidləri bildiriblər ki, insident 5 dəqiqə davam edib. Bəziləri isə iddia edirlər ki, hadisə 2 dəqiqə ərzində cərayan edib”, - deyə şerif əlavə edib.

Şerif onu da bildirib ki, hadisəni törədən şəxsi ofisə gənc qız buraxıb. Həmin qız ofisdə təzə işə başlayıb.

Qeyd edək ki, bu gün ABŞ-ın Orlando şəhərində (Florida ştatı) “Flamma” şirkətinin ofisində 5 nəfər odlu silahdan açılan atəş nəticəsində qətlə yetirilib. Daha sonra cinayətkar özünü öldürüb. Hadisənin terror aktı olmadığı, şəxsi münaqişə zəminində törədildiyi müəyyənləşib.

Ziya Səccad
Ölkə.Az