Səudiyyə Ərəbistanında Qətərin "Əl-Cəzirə" telekanalının fəaliyyəti dayandırılıb

"Ölkə.Az" xəbər verir ki, bu barədə ölkə rəhbərliyi qərar çıxarıb. Qərara görə, telekanalın bu ölkədə yayımı ilə bağlı lisenziya ləğv edilib.

Qərar Əl-Cəzirənin terror təşkilatlarının planlarını təşviq etməsi, Yəməndəki Husi silahlılarını dəstəkləməsi, Səudiyyə Ərəbistanının daxili işlərinə qarışması və qarşıdurma yaratması səbəbilə əlaqələndirilib. Telekanldan hələlik bununla bağlı heç bir açıqlama gəlməyib.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

Bunlara rəğmən İran və İraq Qətərə dəstək verib. İran Qətərə tətbiq edilən sanksiyaları pisləyib. Rəsmi Bağdad isə iki ölkə arasında münasibətlərin gücləndirilməsinin vacibliyini bəyan edib.

Ziya Səccad
Ölkə.Az