Atasına silah çəkib taxta oturan Şeyx
"Ölkə.Az" xəbər verir ki, 7 ərəb ölkəsinin Qətərlə bütün siyasi əlaqələri kəsməsi Fars körfəzində böhrana səbəb olub. Qətər əmiri Şeyx Təmim isə anasının israfçılığına əsəbləşərək atasına silah çəkərək onu həbsə göndərib, özü taxta çıxıb.
Qətərlə əlaqəni kəsən dövlətlər Qətərin İŞİD, Əl Qaidə və Müsəlman Qardaşlar kimi qruplaşmaları dəstəklədiyini, bununla da bölgədə qeyri-sabitliyə səbəb olduğunu iddia edirlər. Bundan başqa Qətər Yəməndəki savaşda İranın dəstəklədiyi Xusiləri də dəstəkləməkdə ittiham edilir.
Kimdir Şeyx Təmim?
Ərəb dünyasının ən gənc lideri Şeyx Təmim Şimali Koreya prezidenti Kim Çen İndən sonra dünyanın ən gənc liderlərindən biridir. 2013-cü ilin iyun ayında Qətər əmiri Şeyx Hamad Bin Xəlifə Əl Tani taxtı 33 yaşlı oğluna təhvil verdi. Bununla da Körfəz ölkələrində "ölənə qədər taxtda oturma" adəti pozuldu.
Kral Hamid 18 il taxtda oturub. Şeyx Təmim isə anası kraliça Şeyxanın həddən artıq çox pul xərcləməsinə əsəbləşərək atasına silah çəkib onu həbsə atdırıb.
Ata və oğul arasında mübahisəyə səbəb isə dəb düşkünlüyü və gözəlliyi ilə məşhur olan keçmiş kraliça Şeyxa Mozahidir. Təmim anasının həddən artıq çox pul xərclədiyinə əsəbləşərək atasını hədələmək üçün havaya atəş açmışdı.
Əmir Təmimin otağından silah səsləri gəldiyi üçün otağa qaçan krallıq işçiləri gördükləri mənzərə qarşısında çaşqına dönüblər. Təmim atasının həbs edilmə əmrini verir.
Təmim 1980-ci ildə Dohada anadan olub. Atası isə taxtı 1995-ci ildə öz atasından çevriliş yolu ilə ələ keçirib. Təbii qaz yataqları ilə zəngin olan Qətər kralın sayəsində yenidən zəngin bir ölkəyə çevrilir.
Təbii qazın satışından əldə edilən gəlir səhrada ölkənin yenidən qurulmasına xərclənir.
Təmim İngiltərədə təhsil alıb. "Sherbone", "Sandurst" kral hərbi akademiyası və " Middlesex Harrow School"da təhsil alıb. 1998-ci ildə Qətər Silahlı Qüvvələrində leytenant kimi işə başlayıb. 2003-cü ildə böyük qardaşının əvəzinə vəliəhd olub. O vaxtdan etibarən dövlət idarəçiliyi barədə təcrübə qazandı.
Atası taxtı ona təhvil verəndə deyib: "Millətimizin tarixində yeni bir səhifə açmağın və yeni fikirləri ilə yeni nəslin məsuliyyəti öz boynuna götürməsinin vaxtı çatıb. İqtidarı Şeyx Təmim Bin Hamada Əl Taniyə təhvil verirəm. Bu vəzifə üçün etibarlı bir şəxs olduğuna inanıram".
Şeyx Təmim 2005-ci ildə ikinci nəsildən əmisi qızı ilə evlənib. 4 övladı var. 2009-cu ildə ikinci dəfə ailə həyatı qurub. İki övladı dünyaya gəlib. 3 oğul və 4 qız atasıdır.
Hikmət
Ölkə.Az
