Ərdoğan: “Türkiyə Qətərlə münasibətləri davam etdirəcək”

"Ölkə.Az" xəbər verir ki, bu barədə Türkiyə prezidenti Rəcəb Tayyip Ərdoğan bildirib.

Türkiyə rəhbəri qeyd edib ki, bu ölkəyə tətbiq edilən sanksiyalar problemləri həll etməyəcək. 

“Biz hesab edirik ki, Qətərlə diplomatik münasibətləri dayandırmaq, bu ölkəyə sanksiyalar tətbiq etmək düzgün deyil. Hazırda elə bir dövrdəyik ki, bizə regionda tərəfdaşlar lazımdır. Qətərlə münasibətləri qorumaq region üçün vacib amildir. Bu səbəbdən də, biz Qətərlə bundan sonra da münasibətlərimizi inkişaf etdirəcəyik”, - deyə Ərdoğan bildirib.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

Ziya Səccad
Ölkə.Az