İmam Xomeyni məqbərəsində daha bir partlayış
Tehran yaxınlığındakı İmam Xomeyni məqbərəsində daha bir partlayış qeydə alınıb.
"Ölkə.Az" xəbər verir ki, Tehrandan 40 km cənubda yerləşən məqbərədə bir neçə saat əvvəl bir partlayış qeydə alınmışdı. Bu partlayışı kamikadze-terrorçu törətmişdi.
Səhər saatlarında baş verən terror hücumunda "Kalaşnikov" markalı avtomat silahı ilə silahlanmış terrorçu fasiləsiz olaraq atəş açıb. Gülləsi bitən terrorçu avtomatı yerə ataraq üzərindəki bombanı partladıb.
İran paytaxtının qubernatoru Hüseyn Haşəmi bildirib ki, terrorçulardan biri zərərsizləşdirilib. Digərləri isə həbs edilib. İnsident nəticəsində bir nəfər həlak olub, bir neçə nəfər isə yaralanıb.
Hikmət
Ölkə.Az
