Rusiya və İran nazirləri ərəb ölkələrinin Qətərə qarşı yürütdüyü siyasəti müzakirə etdi
Rusiya xarici işlər naziri Sergey Lavrov ilə İranın xarici işlər naziri Məhəmməd Cavad Zərif arasında telefon danışığı baş tutub.
"Ölkə.Az" xəbər verir ki, danışıqlar rusiyalı diplomatın təşəbbüsü ilə reallaşıb. Danışıqların əsas mövzusu ərəb ölkələrilə Qətər arasında diplomatik münasibətlərdə yaranan krizis olub.
Danışıqlar zamanı İran rəsmisi ərəb ölkələrinin Qətərə qarşı yürütdüyü siyasəti pisləyib. Bunun xüsusi düşünülmüş addım olduğunu bildirib. Onun sözlərinə görə, Fars körfəzində maraqlı olan ölkələrin yürütdüyü siyasət Qətəri sıradan çıxarmaq məqsədi daşıyır.
Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.
Ziya Səccad
Ölkə.Az
