Türkiyədən Qətərə böyük dəstək

"Ölkə.Az" xəbər verir ki, Türkiyənin aqrar sənaye biznesinin nümayəndələri Qətərin qida və su təminatını ödəməyə hazır olduqlarını bildiriblər.

 

Türkiyə ixracatçılar assambleyasının sədri Mehmet Büyükkişi bildirib ki, türk iş adamları Qətərin BƏƏ və Səudiyyə Ərəbistanından təmin etdiyi kənd təsərrüfatı mallarına olan tələbatı ilə bağlı yaranan bütün problemləri həll etməyə hazırdırlar.

 

Bir müddət əvvəl rəsmi Doha Ankara və Tehrana qida, su təminatı üçün müraciət edəcəyini bildirmişdi.

 

Qeyd edək ki, 5 iyun tarixində Səudiyyə Ərəbistanı, Misir, Bəhreyn və BƏƏ Qətərlə diplomatik münasibətləri dayandırıblar. Eyni gündə Yəmən, Liviya, Maldivi və Mavritaniya da onlara qoşulub. Sonradan İordaniya, Komor adaları və Seneqal da Qətərlə diplomatik münasibətləri dayandırıb.

 

Səudiyyə Ərəbistanı isə Qətərlə bütün yolları bağladığını bəyan edib. Qətər əmirliyi üçün isə bu böyük zərbədir. Çünki ölkəyə gətirilən qida məhsullarının yarısından çoxu Səudiyyədən ixrac edilir.