Avropa İttifaqı ölkələri ümumi Avropa prokurorluğu yaradır

"Ölkə.Az" xəbər verir ki, prokurorluğun baş qərargahı Lüksemburqda olacaq. Bu barədə Aİ Şurası məlumat verib.

 

Məlumatda deyilir: "Avropa prokurorluğunun yaranması üzrə işi aparan üzv ölkələr 8 iyun tarixində qərar qəbul ediblər. Bu qərarda prokurorluğun yaranması barədə detallar, onun funksiyaları və rolu qeyd olunub".

 

Qanuna əsasən, yeni struktur müəyyən şərtlər daxilində qurumun maliyyə maraqlarına toxunan fırıldaqçılıq və digər cinayətləri araşdırmaq və təqib etmək səlahiyyətlərinə malik olacaq. Bu qurum Aİ-də fırıldaqçılığın qarşısını almaq üçün Avropa və milli hüquq-mühafizə orqanlarının səylərini birləşdirir.

 

Prokurorluq qanun qüvvəyə mindikdən 3 il sonra fəaliyyətə başlayacaq.