FTB-nin sabiq direktoru dindirilmə zamanı bütün sirləri açdı

"Ölkə.Az" xəbər verir ki, bu barədə Ceyms Komi senatın kəşfiyyat üzrə xüsusi komitəsində keçirilən dinləmələr zamanı deyib. Onun sözlərinə görə, Donald Tramp Rusiyanın ABŞ-da keçirilən seçkilərə müdaxilə etməsi və bu işdə Maykl Flinnin əlinin olması ilə bağlı aparılan istintaqın dayandırılması barədə konkret tapşırıq verməyib. 

“Mən səhv anlamışam. Prezident mənə bununla bağlı konkret tapşırıq verməyib”, - deyə Komi bildirib.

Bundan əlavə Komi Flinnin Rusiyanın Vaşinqtondakı səfiri Sergey Kislyakla danışığının məzmununu şərh etməkdən imtina edib.  
 
“Mən bunu şərh etmək istəmirəm. Mən kifayət qədər əminəm ki, FTB heç bir danışıqları təsdiqləməyib”, - deyə Komi qeyd edib.

Qeyd edək ki, Maykl Flinn hələ vəzifəyə başlamadan Rusiyanın Vaşinqtonda fəaliyyət göstərən səfiri Sergey Kislyak ilə görüşüb. Bu görüşdə Obamanın Rusiya diplomatlarına tətbiq etdiyi sanksiyalar müzakirə edilmişdi. Bu barədə xəbər ortaya çıxdıqdan sonra Flinn əvvəlcə Trampın istəyi ilə rus səfirlə görüşdüyünü bildirsə də, sonradan verdiyi açıqlamada görüşün sadəcə bir başsağlığı görüşü olduğunu demişdi. Lakin iddialara görə, ABŞ-da keçirilən prezident seçkilərində Rusiya müdaxilə edib. Bu müdaxilədə şübhəli bilinən vasitəçilərdən biri də, məhz Maykl Flindir.

Ziya Səccad
Ölkə.Az