Prezident aktrisaya eşq elan etdi

ABŞ prezidenti Barak Obama məşhur aktrisa Meril Stripə olan sevgisini etiraf edib.

Ölkə.az "The Washington Post" qazetinə istinadən xəbər verir ki, prezident "Azadlıq Medalı"nın təqdimatı zamanı Hollivud aktrisası, üçqat "Oskar" mükafatçısı olan Meril Stripə sevgisini etiraf edib.

Barak Obama deyib: "Mən açıq elan edirəm ki, Meril Stripi sevirəm. Onun həyat yoldaşı və Mişel bu haqda bilirlər." O qeyd edibki, aktrisanın istedadı o qədər böyükdür ki, heç kəs onunla müqayisə edilə bilməz. Mükafatı təqdim edərkən Obama bütün qalibləri, həmçinin Stripi də qucaqlayıb və yanağından öpüb.

Obama qeyd edib ki, mükafat ABŞ -ı "daha güclü, daha müdrik, daha insansevər və daha gözəl" edənlərə verilir. "Dünyanı gözəlləşdirərək, onlar bizim hər birimizi gözəlləşdirirlər", deyə Obama vurğulayıb.

Qeyd edək ki, "Azadlıq medalı" Amerika Birləşmiş Ştatlarında prezident tərəfindən vətəndaşlara təqdim edilən ən yüksək mükafatdır. O hər il ABŞ-ın təhlükəsizliyinə və milli maraqlarının müdafiəsinə töhfə verənlərə təqdim olunur.

Medal 1945-ci ildə ABŞ -ın 33 prezidenti Harri Trumen tərəfindən təsis edilmişdir. Müxtəlif vaxtlarda bu mükafata ictimai xadim və filantrop ana Tereza, fərqli oriyentasiyalı olan adamların hüquqlarını müdafiə edən Harvi Mİlk (ölümündən sonra), həmçinin siyasətçi və daha sonra Ağ evin qırxıncı sahibi Ronald Reyqan layiq görülüblər.

Çinarə Vahabzadə
Ölkə.az