Ərəb-kürd dəstələri Rakkanın şimalında terrorçuların müqavimətini qırdılar
"Demokratik Suriya qüvvələri" Rakkanın şimalında keçmiş ordu kazarmalarını ələ keçiriblər.
"Ölkə.Az" xəbər verir ki, bu ərazi terrorçular üçün müdafiə məqsədi daşıyırdı. Şəhərin mərkəzinə irəliləmək üçün strateji plasdarm ələ keçirilib.
Xəbərə əsasən, ərəb-kürd dəstələri 5 gündür ki, cəbhənin bu istiqamətində İŞİD terror qruplaşmasına qarşı amansız döyüşlər aparır. Onlar terrorçuların müdafiə xəttini qıraraq, strateji plasdarmı ələ keçirə biliblər. Şəkər fabrikinin binası da terrorçulardan təmizlənib.
Rakkanın qərbində isə "Suriya Demokratik Qüvvələri" Sabahiyə kvartalına daxil olublar və küçə döyüşlərinə başlayıblar.
Sutka ərzində 20 terrorçu qətlə yetirilib. 80 nəfərə yaxın terrorçu yaralanıb.
Hikmət
Ölkə.Az
Ölkə.Az
