Suriyada vətəndaş müharibəsinə son qoyuldu

"Ölkə.Az" xəbər verir ki, bu barədə Rusiya Silahlı Qüvvələrinin Baş Qərargahının baş əməliyyat idarəsinin rəisi Sergey Rudskoy bildirib. Onun sözlərinə görə, Astanada memorandum imzalandıqdan sonra Suriyada dramatik vəziyyət xeyli yaxşılaşıb.

“İmzalanan son razılaşma imkan verəcək ki, Suriyada xarabalığa çevrilən ərazilərdə abadlıq işləri aparılsın. Hansı ərazilər ki, terror qruplaşmalarının əlində deyil, həmin yerlərdə abadlıq işləri aparılacaq”, - deyə qərərgah rəisi bildirib.

Sergey Rudskoy vurğulayıb ki, dinc əhali Suriyada azad olunan ərazilərə qayıdır:

“Həmin yerlərdə evlər tikilir, nəqliyyat və komunikasiya sistemi bərpa olunur. İnsanlar üçün yollar salınır və kənd təsərrüfatının inkişafı üçün torpaqlar ayrılır. Təkcə Dəməşqin şimalında 2,5 min döyüşçü silahı yerə qoyaraq, mülki vətəndaşlığa qayıdır. Həbs edilən terrorçu və döyüşçülər bir daha silah götürməyəcəkləri barədə zəmanətlə azadlığa buraxılır”, - deyə Sergey Rudskoy bildirib.

Ziya Səccad
Ölkə.Az