Bu kanalı yayımlayan obyekt sahibləri 30 min dollar cərimələnəcək

Səudiyyə Ərəbistanında Qətərdə yerləşən “Al-Jazeera” peyk telekenalının yayımı qadağan edilib.

"Ölkə.Az" xəbər verir ki, Səudiyyə Ərəbistanının Turizm və Milli İrs üzrə Baş İdarəsi məlumat yayıb ki, ölkədə bütün mehmanxanalarda “Al-Jazeera” kanalının yayımına qadağa qoyulub. Peyk vasitəsilə həmin kanalı yayımlayan sahibkarlar 30 min dollara yaxın cərimə olunacaq və lisenziyaları ləğv ediləcək.

Səudiyyə Ərəbistanı hökuməti idda edir ki, “Al-Jazeera” kanalı siyasəti dini, mənəvi dəyərləri təhqir edir. “Al-Jazzera” kanalının baş direktoru səlahiyyətini icra edən Mustafa Suaq isə səslənən ittihamları qərəzli adlandırıb. Onun sözlərinə görə, bu addım Qətərə qarş irəli sürülən siyasətin davamıdır.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

Ziya Səccad
Ölkə.Az