Avstriyada müsəlman qadınlara örtük qadağası

"Ölkə.Az" xəbər verir ki, Avstriya hökuməti miqrantlarla bağlı irəli sürülən qanunu təsdiqləyib. Qəbul edilən yeni qanuna görə, bundan sonra müsəlman qadınlar çadra, çarşab və digər qapalı geyimlər geyinə bilməzlər.

Sənəd ölkənin bütün vəzifəli şəxsləri tərəfindən təsdiq ediləndən sonra prezident tərəfindən imzalanıb. İmzalanmış yeni qanuna görə, Avstriyada müsəlman qadınlara qapalı geyimlərlə bağlı qadağalar bu ilin oktyabr ayının birindən qüvvəyə minir.

Bu qanunu pozan şəxslər 150 Avro miqdarında cərimələnəcəklər. Yeni qanunda həmçinin bildirilir ki, vəzifəli şəxslər hicab geyinə bilməz.

Qanunda həmçinin bildirilir ki, hakim və prokurorlar dini təbliğatla məşğul ola bilməzlər. Bundan əlavə, İslam dininin müqəddəs kitabı sayılan “Qurani-Kərim” nüsxələrinin yayılması və sələfiliyin təbliğatı qadağan edilib.

Ziya Səccad
Ölkə.Az