ABŞ və Rusiya arasında gizli Suriya danışıqları

"Ölkə.Az" xəbər verir ki, danışıqların mövzusu Suriyanın cənubi-qərbində deskalasiya məsələsi olub. Bu barədə nüfuzlu "The Wall Street Journal" məlumat yayıb.

Jurnalın məlumatına əsasən, amerikalı və rusiyalı təmsilçilər gizli danışıqlarda Suriyanın cənubi qərbindəki məsələ müzakirə edilib. Burada hökumət qüvvələri silahlı müxalifətə qarşı mübarizə aparır. ABŞ-ın dövlət katibi Reks Tillersonun aprel ayındakı Moskva səfərindən sonra bu mövzuda iki dövlət arasında əlaqələr yaranıb.

Rusiya və ABŞ nümayəndələrinin gizli görüşü iki həftə əvvəl İordaniyada baş tutub. Bu həftə isə növbəti görüş Ammanda baş tutmalı olsa da, vaxtı dəyişdirilib.

Jurnalın məlumatına görə danışıqlarda ABŞ tərəfindən antiterror koalisiyasının nümayəndələri Maykl Retni və Brett Makqerk iştirak edib.

Hikmət
Ölkə.Az