İranlılar küçələrə axışdılar: "Səudiyyə Ərəbistanına ölüm"

"Ölkə.Az" xəbər verir ki, İran parlamenti və Xomeyninin məqbərəsinə təşkil edilən terror hücumları nəticəsində həlak olan 17 nəfərin dəfn mərasimində yüzlərlə iranlı iştirak edib.

Paytaxt Tehranda keçirilən dəfn mərasimində iştirak edən iranlılar Səudiyyə Ərəbistanı, İsrail və ABŞ əleyhinə şüarlar səsləndiriblər. İran prezidenti Həsən Ruhani də dəfn mərasimində iştirak edib. O, terror qurbanları üçün dua edib. İranın dini lideri Ayətulla Xomeneyi terror hücumunun Tehranın ABŞ və onun əlaltısı olan Səudiyyə Ərəbistanına olan düşmənliyini artıracağını qeyd edib:

"Hücum İran xalqının əzminə ziyan vurmayacaq. Hücum nəticəsində ABŞ hökuməti və onun Səudiyyə Ərəbistanı kimi bölgədəki əlaltılarına olan düşmənliyin artmasından başqa heç nə olmayacaq".

Hikmət
Ölkə.Az