İŞİD-in hücumu nəticəsində 30-dan çox adam ölüb

"Ölkə.Az" xəbər verir ki, İŞİD terror qruplaşması İraqın Mosul şəhərindən 100 kilometr cənubda yerləşən Şirkat şəhərinə hücum edib. Bu barədə İraq polisi məlumat yayıb.

Məlumatda bildirilir ki, hadisə iyunun 10-da qeydə alınıb. Hücum nəticəsində azı 30 nəfər həlak olub, 40 nəfər yaralanıb.. Ölənlər arasında hərbçilərlə yanaşı dinc insanlar da var. İraq hərbçiləri terrorçuların hücumunu dəf edib və İŞİD-in 10-dan çox silahlısı məhv edilib.

Qeyd edək ki, 2016-cı ilin oktyabr ayından Mosulda İraq ordusu və ABŞ hərbçilərinin birgə təşkil etdiyi koalisiya qüvvələri əməliyyatlara başlayıb. Əməliyyatlar nəticəsində İraqda bir çox ərazi İŞİD terrorçularından təmizlənib. Bu ilin mart ayından başlayaraq Mosul şəhəri mühasirəyə alınıb. İraqın Mosul şəhərində İŞİD terrorçularına qarşı əməliyyatlar davam edir.

Ziya Səccad
Ölkə.Az