Britaniyalı nazir Qətərə təzyiqi azaltmağa çağırıb

Böyük Britaniya xarici işlər naziri Boris Conson ərəb ölkələrini Qətərə qarşı sanksiyaları ləğv etməyi məsləhət bilib.

Ölkə.Az xəbər verir ki, Boris Conson qətərli həmkarı Məhəmməd bin Əbdurrəhman əl-Tani ilə görüşən bildirib. Onun sözlərinə görə, yaxşı olar ki, Fars körfəzi ölkələri, o cümlədən Səudiyyə Ərəbistanı Qətərə qarşı siyasəti yumşaltsa yaxşı olar.

Dünyada terror böyük gərginlik yaradıb. Bir çox ölkələrdə isə vətəndaş müharibəsi tüğyan edir. Regionda da vəziyyət gərgindir. Fars körfəzi ölkələri gərginliyi azaltmaq əvəzinə daha da vəziyyəti çətinləşdirirlər. Yaxşı olar ki, region üçün vəziyyəti daha da çətinləşdirməsinlər. Problemin həlli üçün təcili addımlar atmağa çağırıram”, - deyə B.Conson bildirib.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

Ziya Səccad
Ölkə.Az