ABŞ-da daha bir məhkəmə Trampın fərmanını təxirə saldı

“Ölkə.Az” xəbər verir ki, bu barədə “New York Times” məlumat verib. Verilən məlumata görə, məhkəmə qərarı ilə Trmapın fərmanı təxirə salınıb. Prezident Administrasiyası artıq məhkəmə qadağalarından Ali Məhkəməyə şikayət etmək niyyətində olduğunu bəyan edib.

 Qeyd edək ki, ABŞ prezidenti Donald Trampın yanvarın 28-də 7 müsəlman ölkələrinin vətəndaşlarının Birləşmiş Ştatlar ərazisinə buraxılmamasına dair imzaladığı fərman imzalayıb. Fərmana görə, ABŞ hökuməti  İran, Suriya, Sudan, Yəmən, Liviya və Somali vətəndaşlarının 90 gün ərzində ölkəyə daxil olmasına qadağa qoyub.

Martın 6-da ABŞ prezidenti Donald Tramp miqrasiya ilə bağlı  fərmanı yeniləyib.

Martın 16-da ABŞ-ın Havay ştatı  məhkəməsi prezident Donald Trampın miqrasiya siyasətini sərtləşdirən fərmanının icrasını müvəqqəti təxirə salıb. Havay məhkəmə vasitəsilə Trampın fərmanını ləğv etməyə cəhd edən ilk ştat olub.Daha sonra analoji qərarı Riçmondun (Virciniya ştatı) 4-cü Appelyasiya məhkəməsi qəbul etmişdi.

Ziya Səccad
Ölkə.Az