Türkiyə prezidenti Qətər böhranının həlli üçün üçtərəfli görüşlər keçirəcək

"Ölkə.Az" xəbər verir ki, prezident və "Ədalət və İnkişaf" partiyasının baş katibi Rəcəb Tayyip Ərdoğan Qətər böhranı ilə bağlı açıqlamalar verib. Ərdoğan deyib: "Bu gün Fransa prezidenti, Qətər əmiri ilə telekonferans vasitəsilə üçtərəfli görüş keçirəcəyik".

 

Ərdoğan çıxışına davam edib: "Qətəri təkcə təbii ehtiyatlarla zəngin ölkə kimi görmək lazım deyil. Müstəqillik nümayiş etdirən bir dövlətdir. Bölgə və dünya siyasəti üçün 2.5 milyon əhalisi olan Qətər önəmlidir. Çox ciddi bir telefon diplomatiyası həyata keçiririk. Bu gün də Fransa prezidenti və Qətər əmiri ilə danışacayıq. Qətərlə bağlı çox ciddi səhvlərin yaşandığını düşünürük. Bir ölkənin xalqını təcrid etmək bəşəri deyil, ümumiyyətlə İslama heç yaraşmır. Qətər İŞİD terror qruplaşmasına qarşı Türkiyə ilə birlikdə qərarlı olduğunu sərgiləyən ölkədir. Lütfən bir-birimizi aldatmayaq. Qətəri günahkar göstərməyin bölgəyə heç bir faydası yoxdur".