İraqın baş naziri Qətərlə bağlı Səudiyyə Ərəbistanına gedir

"Ölkə.Az" xəbər verir ki, bu barədə İraqın Baş naziri Heydər əl-Abadi bildirib. Onun sözlərinə görə, tətbiq edilən sanksiyalar Qətər hökumətinə deyil, sadə insanlara zərər verəcək.

“Sərhədləri bağlamaq, ölkəyə sanksiyalar tətbiq etmək hökumətə deyil, sadə insanlara zərər verir. Hökumətə təzyiqin başqa yolları var”, - deyə Abadi bildirib.

İraqlı nazir sabah Ər Riyada səfər edəcək. Səfərin məqsədi Səudiyyə Ərəbistanı kralı ilə görüşüb, Qətərlə bağlı münasibətləri müzakirə etməkdir.

Qeyd edək ki, Ərəb ölkələri Qətərlə diplomatik münasibətləri kəsib. Bəhreyn, Misir, BƏƏ və Səudiyyə Ərəbistanından sonra Liviya və Yəmən də Qətərlə diplomatik münasibətləri dayandırıb. Bundan başqa İŞİD-ə qarşı aparılan islam hərbi koalisiyasında Qətərin iştirakı da dayandırılıb.

Ziya Səccad
Ölkə.Az