Çernobıl AES-də tüstüləmə olub
"Ölkə.Az" xəbər verir ki, bu barədə Ukrayna hökumətindən bildirilib. Verilən məlumata görə, hadisə yerli vaxtla saat 15:57-də stansiyanın üçüncü blokunda qeydə alınıb.
“Hadisə barədə məlumat daxil olan kimi xüsusi həyəcan təbili çalınıb və əraziyə Fövqəladə Hallar Nazirliyinin əməkdaşları cəlb olunub. Araşdırmalar zamanı məlum olub ki, tüstüləmə 509 saylı stansiyada başlayıb. Ərazi mühasirəyə alınıb.
Digər bloklar üçün təhlükəsizlik tədbirləri görülüb. Stansiyanın fəaliyyəti dayandırılıb.
Qeyd edək ki, 26 aprel 1986-cı il Ukraynanın paytaxtı Kiyev şəhəri yaxınlığında yerləşən Çernobıl AES-da güclü nüvə partlayışı baş verib. Stansiya partlayandan sonra yaranmış radioaktiv buludun böyük hissəsi Şərqi Avropaya doğru hərəkət etmişdisə, belə "ölüm bulud"unun yerdə qalan hissəsinin küləklər cənuba "sürükləmişdi". Nəticə də Azərbaycanda da Çernobıl faciəsi nəticəsində radioaktiv şüalanmaya məruz qalanlar olub. Bundan başqa, AES-in partlamış 4-cü enerji blokunun təhlükəsiz hala salınması üçün keçirilən "Sarkofaq" əməliyyatında 129 Azərbaycan vətəndaşı da iştirak edib ki, onların hamısı müxtəlif səviyyəli radioaktiv şüalanma alıblar.
Hadisə zamanı 7000-ə yaxın insan həlak olub, 25000 insan güclü radiasiya nəticəsində ömürlük şikəst olub, on minlərlə insan isə sonsuz qalıb. Bu faciədən sonra Çernobılda doğulan uşaların 90 %-də əlillik yaranır. Hadisədən neçə illər keçsə də, radiasiyanın fəsadları hələ də Avropada dolanmaqdadır.
Ziya Səccad
Ölkə.Az
