Qarajdan çıxan 15 min dollarlıq əsər
"Ölkə.Az" xəbər verir ki, amerikalının qarajından məşhur rəssam Cekson Polokun abstrakt (mücərrəd) rəsm tablosu tapılıb. Tapılan rəsm əsərinin qiyməti ən azı 15 milyon dollardır.
Qarajın sahibi köçərkən təmizlik işləri aparırmış. Qonşu da ona kömək edirmiş. Bu zaman köhnə əşyaların içərisindən həmin portret tapılıb. Həmin əsərə baxan rəssamlar ilk oncə onu 300 dollara alımaq istəyiblər. Lakin sonradan onun qiymətinin 15 min dollardan artıq olduğu məlum olub.
Hazırda qarajın sahibi tapılan əsəri daha baha satmaq niyyətindədir. Bu səbəbdən də, o, əsər barədə elan verəcək.
Qeyd edək ki, Cekson Polok tanınmış amerikan rəssamı və abstrakt ekspressionizm cərəyanının ən görkəmli nümayəndəsidir. Özünəməxsus drip-peyntinq rəssamlıq üslubu ilə məşhurdur.
Pollok həyatı boyu şöhrətə və mənfi reputasiyaya sahib olmaqla öz dövrünün əsas rəssamlarından biri olub. Özünə qapanıq və dəyişkən şəxsiyyətə malik olan rəssam ömrünün çox hissəsini alkoqolizmdən əziyyət çəkib. 1945-ci ildə Pollok onun karyerasına və yaradıcılığına böyük təsir göstərən Li Krasnerlə ailə qurdu.
Pollok, 1956-cı ildə içkili vəziyyətdə idarə etdiyi avtomobillə düşdüyü qəzada, 44 yaşında vəfat edib. Ölümündən bir neçə ay sonra, dekabr ayında, Nyu-York Müasir İncəsənət Muzeyində (MoMA) Pollokun xatirəsinə retrospektiv sərgi təşkil olunub. 1967-ci ildə burada onun əsərlərindən ibarət daha geniş sərgi təşkil edilib. 1998-1999-cu illərdə onun işlərindən ibarət geniş retrospektiv sərgilər həm Nyu-York Müasir İncəsənət Muzeyində, həm də Londonun Teyt muzeyində keçirilib.
Ziya Səccad
Ölkə.Az
