Banqladeşdə təbii fəlakət 130 can aldı

"Ölkə.Az" xəbər verir ki, təbii fəlakət nəticəsində ölənlərin sayı 130 nəfərə çatıb. Bundan bir neçə saat əvvəl isə xəsarət alanların 77 nəfər olduğu deyilirdi. Verilən məlumata görə, təkcə Rangamati bölgəsində 98 nəfər ölüb. Bu barədə bölgənin nümayəndəsi Manzurul Mannan məlumat verib. Onun sözlərinə görə, ölənlərin çoxu dinc əhalidir. Bir çox insan evlərinin su basması və torpaq altında qalması nəticəsində həlak olub.

Banqladeş ordusunun mətbuat katibi Rezaul Karim bildirib ki, bir avtomobil yolu yaxınlığında baş verən torpaq sürüşməsindən sonra bölgəyə cəlb edilən axtarış-xilasetmə qrupunun iki üzvü və 2 hərbçi həlak olub. 2 nəfər isə itkin düşüb.

Qeyd edək ki, bazar ertəsindən başlayan leysan yağışlar nəticəsində baş verən torpaq sürüşməsi bir çox evin torpaq altında qalmasına səbəb olub. Hadisə nəticəsində elektrik xətləri, telefon əlaqələri kəsilib. Ərazidə nəqliyyatın gediş-gəlişi iflic vəziyyətə düşüb. Xilasetmə işləri davam etdirilir. Bəzi ucqar bölgələrə gediş-gəliş mümkün olmadığı üçün ölü sayı arta bilər.

Ziya Səccad
Ölkə.Az