Türkiyədə millət vəkili həbs edildi
"Milli Kəşfiyyat İdarəsinin yük maşınları görüntülərinin yayınlanması" adlı məhkəmə prosesində CXP millət vəkili Enis Berberoğlu 25 illik həbs cəzasına məhkum edilib.
"Ölkə.Az" xəbər verir ki, Enis Berberoğlu məhkəmə binasında həbs edilib.
Dövlətin gizli sənədlərini casusluq məqsədi ilə təmin etmək iddiası ilə başlayan məhkəmədə Enis ilə bərabər jurnalist Erdem Gül də iştirak edib. Xaricdə olan Can Dündar isə prosesdə iştirak etməyib.
Qapalı keçirilən məhkəmənin qərarı ilə dövlətin gizli məlumatlarını siyasi və hərbi casusluq məqsədi ilə açıqlamaq səbəbindən ömürlük həbs cəzası barədə hökm çıxarıb. Məhkəmə sonradan ömürlük həbsi 25 il azadlıqdan məhrumetmə cəzası ilə əvəz edib. Can Dündar və Erdem Gül haqqında məhkəmə hökm çıxarmayıb. İki müttəhim haqqında sənədlər ayrılaraq incələnəcək.
Hikmət
Ölkə.Az
