Somalidə məşhur restoranın qarşısında terror aktı
"Ölkə.Az" xəbər verir ki, şəhərin mərkəzində yerləşən “Posh Treats” restoranının qarşında baş verib.
Əsasən elit təbəqənin getdiyi restoranın qarşısında minalanmış avtomobil partladılıb. Daha sonra silahlı şəxslər insanlara atəş açmağa başlayıblar. Hadisə nəticəsində qadın və uşaqlar daxil olmaqla azı 9 nəfər ölüb.
Şəhərin polis rəisi Mühəmməd Hüseyn bildirib ki, hadisə terror aktıdır. Terror aktına görə məsuliyyəti “Əş-Şəbab” qruplaşması öz üzərinə götürüb.
Qeyd edək ki, “Əl Qaidə” qruplaşması ilə əlaqəli olan “Əş-Şəbab” qruplaşması Somalidə terrorçu fəaliyyətlə məşğuldur. Qruplaşma ölkənin mərkəzi hakimiyyət orqanlarına qarşı silahlı mübarizə aparır. Onların son 2 ildə böyük terror aktlarının törədilməsində və kütləvi insan ölümündə səbəb olub.
Ziya Səccad
Ölkə.Az
