Putin ABŞ və Aİ-ni ittiham etdi
"Ölkə.Az" xəbər verir ki, Putin ABŞ və Avropa İttifaqını 2014-cü ildə Ukraynada dövlət çevrilişini dəstəkləməkdə ittiham edib. Rusiya liderinin sözlərinə əsasən, ukraynalılar istənilən formada Avropa İttifaqı standartlarına qoşulmağın onları 90-cı illərdən bu günə qədər təqib edən biyabırçı vəziyyətdən qurtaracağını düşünürdülər.
Rusiya lideri deyib: "Biz 17 il danışıqlar apardıq. Birdən bizə elan etdilər ki, Ukrayna və Aİ öz aralarında müqavilə imzalayırlar". Putin qeyd edib ki, Rusiya danışıqları üçtərəfli formatda təklif edib. Amma qarşı tərəf Rusiyaya "bu sizin işiniz deyil"-deyərək rədd cavabı verib.
Bu vaxtdan etibarən isə Avropa ölkələri və Birləşmiş Ştatlar ukraynalıların narazılığından istifadə edərək dövlət çevrilişini dəstəklədilər.
Hikmət
Ölkə.Az
