Türkiyədə partiya lideri \"Ədalət yürüşü\"nə başladı

"Ölkə.Az" xəbər verir ki, partiya liderinin yürüşü Güvenparkdan başlayıb. Kılıçdaroğlu yürüşdən əvvəl deyib: "Artıq bıçaq sümüyə dirənib. Bir əvəz veriləcəksə, ilk əvvəl mən verərəm".

Kılıçdaroğlu dünən 25 il müddətinə azadlıqdan məhrum edilən millət vəkili Enis Berberoğlunun həbs edilməsinə etiraz olaraq Ankaradan İstanbula yürüşə başlayıb.

Həyat yoldaşı ilə evindən çıxarkən jurnalistlərə müsahibə verən partiya lideri deyib: "Ümid edirəm ki, vicdanı kar olanlar bizim sözümüzü eşidərlər. Ədalət üçün yürüşə başlayıram. İstanbula qədər gedəcəm. Bizim yürüşümüz ədalət bərpa olunana qədər davam edəcək".

Yürüşə başlanılan Güvenparka gələn Kılıçdaroğlu açıqlama verib: "Artıq bıçaq sümüyə dirənib. Hamının düşüncəsinə hörmətimiz var. Amma hamı məhkəmənin müstəqilliyini müdafiə etmək məcburiyyətindədir. Hamı üçün ədalət istəyirik".

Yürüş Güvenparkda başlayıb Maltepe həbsxanasında başa çatacaq. Kılıçdaroğlu gündə 18 km məsafə qət edəcək. Xəbərə əsasən, 69 yaşlı partiya lideri 28 gün yürüş edəcək.

Hikmət
Ölkə.Az