ABŞ ilə Türkiyə arasında gərginlik

"Ölkə.Az" xəbər verir ki, ABŞ polisi Vaşinqtonda etirazçılarla qarşıdurmada iştirak edən Türkiyə prezidenti Rəcəb Tayyip Ərdoğanın mühafizəçilərinin həbsi barədə qərar çıxarıb. Bunun ardından Türkiyə ABŞ-ın Ankaradakı səfirini XİN-ə çağırıb. Səfirə Türkiyənin etiraz notası verilib.

Hadisədən dərhal sonra Türkiyə prezidenti Rəcəb Tayyip Ərdoğan açıqlama verib. Ərdoğan Amerika hökumətini sərt tənqid edib və onları terrorçuları dəstəkləməkdə ittiham edib.

“Amerikada son səfərim zamanı PKK terror təşkilatı və FETÖ terror təşkilatı tərəfdarları birləşərək 40-50 metr məsafədə aksiya keçirdilər. Onlar məni təhqir etdilər. Amerika polisi heç nə etmədi. Maraqlıdır, buna bənzər hadisə Türkiyədə baş verərdisə, onların münasibəti necə olardı? Düşünə bilirsinizmi? Heç nə etmə etmədikləri bəs deyilmiş kimi, onlara etiraz edən bizim vətəndaşlarımızdan 2 nəfərini həbs ediblər. Belə şey ola bilərmi? Digər tərəfdən də, 12 nəfər mühafizəçi üçün həbs qərarı çıxarıblar. Bu necə qanundur, bu necə hüquqdur? Əgər bu mühafizəçilər məni qorumayacaqsa, onları niyə Amerikaya aparırdım? Amerika uşaqları ilə özümü qoruyacaqdım?”, - deyə Ərdoğan sərt açıqlama verib.

Qeyd edək ki, ABŞ polisi Vaşinqtonda etirazçılarla qarşıdurmada iştirak edən Türkiyə prezidenti Rəcəb Tayyip Ərdoğanın 12 mühafizəçisinin həbsi barədə qərar çıxarıb. Bu barədə Vaşinqton polis idarəsinin rəisi Piter Nyuzem məlumat verib. O, mətbuat konfransında deyib ki, barələrində axtarış elan edilən şəxslər arasında Ərdoğanın 9 mühafizəçisi, türk polisinin 3 zabiti və iki Kanada vətəndaşı var.

Xatırladaq ki, BMT Baş Assambleyasının 69-cu sessiyasında iştirak etmək üçün Nyu-Yorka gedən prezident Rəcəb Tayyib Ərdoğanın Nyu-York səfərinin son günündə qalmaqal baş verib. Dövlət Departamenti bununla bağlı Türkiyəyə etirazını bildirib. Ankara ittihamları rədd edərək hadisənin ABŞ hakimiyyətinin lazımi təhlükəsizlik tədbirləri görmədiyindən baş verdiyini iddia edib.

Ziya Səccad
Ölkə.Az