Bağdadinin ölüm xəbəri Trampa çatdırıldı

"Ölkə.Az" xəbər verir ki, bu barədə Ağ Evdən bildirilib. Verilən məlumata görə, rus qırıcılarının Rakka yaxınlığında İŞİD-in mövqeyini bombalaması və Bağdadinin ölüm xəbəri Trampa deyilib. 

“D.Trampa bildirilib ki, Rusiya tərəfi iddia edir ki, Bağdadini öldürüblər”, - deyə Ağ Evdən vurğulanıb.

Lakin məlumatda Trampın xəbərə münasibəti qeyd edilməyib.

Qeyd edək ki, Rusiya tərəfinin açıqlamasına əsasən, rus qırıcıları 28 may tarixində Rakka yaxınlığında İŞİD-in yüksək səviyyəli komandirlərinin iclas keçirdiyi bir binanı bombalayıb. Nəticədə 30 səhra komandiri ilə yanaşı 330 terrorçu qətlə yetirilib. Açıqlamaya əsasən, Bağdadi də vurulan binada olub və öldüyü barədə məlumat fərqli mənbələrdən təsdiqlənməyə çalışılır.
 
Öldürülənlər arasında Rakka Əmiri Əbul əl Hacı əl Misri, təhlükəsizlik üzrə məsul şəxs Süleyman əl Şavvah və Rakka ilə Suhne arasındakı əraziyə nəzarət edən İbrahim ən Neyef əl Hac da olub.

Ziya Səccad
Ölkə.Az