Donbass: yerli əhali separatçılara qarşı üsyan qaldırdı

Ölkə.az Ukrayna KİV-lərinə istinadən xəbər verir ki, separatçıların nəzarətində olan Luqanskda yerli əhalidən, əsasən qadınlardan ibarət bataylon yaradılıb.

Qadın batalyonu Luqanskın yaşayış məntəqələrində mövqe tutmuş separatçıların silahlı dəstələri ilə dinc mübarizə aparırlar.

Məlumatlarda bildirilir ki, qadınlar separatçıları girdikləri həyətlərdən, yaşayış binalarının girişlərindən qovmaqla məşğuldurlar.

Qadın batalyonun üzvlərinin dediyinə görə, separatçılar əhalidən "canlı sipər" kimi istifadə edirlər. Onlar evlərə, mənzillərə və həyətlərə girərək oradan Ukrayna ordusunun mövqelərinə atəş açır və daha sonra yerlərini dəyişirlər. Ukrayna ordusunun cavab zərbələri isə təbii olaraq həmin nöqtələrə endirilir. Bu isə çox sayda dinc sakinin, qadın və uşaqların ölməsinə səbəb olur.

Hazırda Luqanskın ətraf yaşayış məntəqələrində də qadınlardan ibarət belə "batalyonlar" yaradılmaqdadır və onlar separatçıların evlərin arxasından Ukrayna ordusunun əsgərlərinə atəş açmasının qarşısını almaq üçün kəndlərdə və qəsəbələrdə növbətçilik edəcəklər.

Ölkə.az