Türkiyədə terrorçularla hərbçilər arasında qanlı toqquşma
"Ölkə.Az" xəbər verir ki, növbəti əməliyyat Hakkari əyələti, Çukurca rayonunda keçirilib.
Keçirilən əməliyyat zamanı terrorçuların quraşdırdığı partlayıcılar zərərsizləşdirilib. Əməliyyatda bir qurğunun partlaması nəticəsində 2 hərbçi həlak olub, 7 əsgər yaralanıb. Yaralılar xəstəxanaya yerləşdiriliblər. Onların həyatı üçün təhlükə yoxdur.
Əməliyyat zamanı ordu ilə PKK terror təşkilatının üzvləri arasında şiddətli döyüş olub. Döyüşdə 5 PKK terrorçusu məhv edilib.
Qeyd edək ki, ABŞ və Avropa İttifaqı PKK-nı terror təşkilatları siyahısına daxil ediblər. Türkiyədə 2015-ci ildən başlayaraq terrorçulara qarşı kütləvi şəkildə əməliyyatlar keçirilir. Əməliyyatlar zamanı 10 mindən çox terrorçu məhv edilib. PKK terrorçuları da Türiyənin müxtəlif ərazilərdə terro aktları törədir və dövlətin təhlükəsizlik sisteminə zərər vurmağa çalışırlar.
Ziya Səccad
Ölkə.Az
