3 ölkənin Qətər vətəndaşlarına verdiyi müddət başa çatdı

"Ölkə.Az" xəbər verir ki, Səudiyyə Ərəbistanı, BƏƏ və Bəhreynin Qətərdəki vətəndaşlarına və öz torpaqlarındakı Qətər vətəndaşlarına verdikləri 14 günlük müddət başa çatdı.

Yuxarıda adı qeyd edilən 3 ərəb ölkəsi Qətərlə bütün diplomatik münasibətləri kəsdiklərini bəyan etmişdilər. Səudiyyə, BƏƏ və Bəhreyn vətəndaşlarına geri dönmək və qətərlilərə isə öz ölkələrinə qayıtmaq üçün verdikləri 14 günlük vaxt başa çatıb.

Bu üç ölkənin vətəndaşı olub ölkələrinə qayıdan və bu ölkələrdə yaşayıb Qətərə geri qayıdanların sayı tam olaraq bilinmir.

Bununla yanaşı, Qətərdə fəaliyyət göstərən milli insan haqları komitəsinin hesabatına əsasən, Qətərdə bu üç dövlətin 11 min 387 vətəndaşı və bu ölkələrdə isə 9 min 927 qətərli var.

Hikmət
Ölkə.Az