İspaniyada istilər iki nəfərin ölümünə səbəb oldu

"Ölkə.Az" xəbər verir ki, 40 dərəcədən yuxarı tempratur göstəricisi iki yaşlı insanın ölümünə səbəb olub. Onlardan biri La-Sarsa bələdiyyəsinin 76 yaşlı sakinidir. Günvurmadan sonra onun ürək fəaliyyəti dayanıb.

Mura bələdiyyəsində isə 66 yaşlı velosipedçi şosse yolunda velosiped sürərkən keçinib.

Anomal hava şəraiti ilə bağlı artıq 147 nəfər həkimə müraciət edib. Bununla yanaşı yaxın günlərdə tempratur göstəricisinin aşağı düşəcəyi gözlənilmir. İstilik 37-39 dərəcədən yuxarı olacaq. Kordova, Seviliya və Badoxesdə əvvəlki kimi narıncı təhlükə səviyyəsi elan edilib. 

Digər 19 vilayətdə isə sarı təhlükə dərəcəsi hökm sürür.

Hikmət
Ölkə.Az