Suriya üzrə növbəti görüşlərin tarixləri məlum oldu

Ölkə.Az" xəbər verir ki, bu barədə Qazaxıstan XİN-in mətbuat xidmətinin rəhbəri Anuar Jaynakov bildirib. Onun sözlərinə görə, növbəti görüş Astanada iyulun 4-5-də keçiriləcək.

A.Jaynakov deyib ki, həm Rusiya, həm Türkiyə, həm də İran tərəfinin həmin tarixdə görüşün keçirilməsi barədə razılığı alınıb.

"Qazaxıstan Xarici İşlər Nazirliyi Rusiya, Türkiyə və İran XİN-ləri ilə əldə edilmlş razılaşmaya əsasən xəbər verir ki, Suriyadakı böhranın nizamlanmasına dair növbəti beynəlxalq görüş cari il iyulun 4-5-də Astanada baş tutacaq", - deyə A.Jaynakov bildirib.

A.Jaynakovun sözlərinə görə, Astana danışıqlarının budəfəki mərhələsində əldə olunmuş əvvəlki razılaşmaların necə yerinə yetirilməsi və vəziyyətin normallaşdırılması istiqamətində atılacaq növbəti addımlar müzakirə ediləcək.

Danışıqların ardından isə Cenevrə danışıqlarının yeddinci dəyirmi masası baş tutacaq. Bu barədə isə BMT-nin Suriya üzrə xüsusi nümayəndəsi Stefan De Mistura deyib. Onun sözlərinə görə, dəyirmi masa iyulun 10-da qeydə alınacaq. Rusiyanın xarici işlər naziri Sergey Lavrov da dəyirmi masanın iyulun 10-da keçiriləcəyini təsdiqləyib.

Ziya Səccad
Ölkə.Az